Mentri ti tegnu stritta a lu cori - Un cantico all'amore di Alessio Patti, in lingua siciliana.

Mentri ti tegnu stritta a lu cori - di Alessio Patti

Non mi lu scordu 
ca mi fai continuamenti 
accuglienza nta lu cori.
E comu putissi 
scurdarimi di tia, o bedda 
spirlucenti spusa, si 
quannu grapu l’occhi 
ti disìu comu a l’aurora?
E quannu li chiudu 
ti trovu ancora duci e 
abbrazzata a la me rivelazioni.
Sacciu chi apprezzi 
la me pacènzia, la risistenza 
a non lassarimi vinciri 
di la saluti rifarda ca 
mi firisci sempri senza pietà.
Eccu pirchì 
nta la suffirenza nciammata 
di la malatia, tu m’appari 
comu l’òasi chi arrifrisca 
l’anfa di lu me duluri, e 
li to’ manu sunnu 
lu priziusu toccu sacru 
chi si pigghia cura 
di la me dogghia.
Sacciu chi ami la me forza e 
l’occhi me’ beddi 
chi t’accarizzanu in silenziu e
c’amuri.
Eccu pirchì 
tu si’ lu sulu amuri chi amu.
E t’amu 
pirchì è tantu beddu e 
naturali ammizzigghiariti e 
pirchì non si’ donna 
chi cerca l’amuri urdinariu, 
senza lotta e senza sapuri, ma 
si’ la sula chi varda cu tinirizza 
a lu mistèriu di l’arma, 
ca oggi duna e dumani leva, ma 
poi torna nàutra vota a dari.
E accussì, 
mentri ti tegnu stritta a lu cori, 
amuri miu, 
lottu e restu sempri
lu to carusu duci e tènniru.

Mentre ti tengo stretta al cuore - di Alessio Patti

Son memore 
che mi tieni incessantemente 
avvinto al cuore.
E come potrei 
non rammentarmi di te, o bella
e lucente sposa, se 
quando apro gli occhi 
ti bramo come l’aurora? 
E quando li socchiudo 
ti trovo ancora dolce e 
abbracciata alla mia rivelazione.
So che apprezzi 
la mia pazienza, la tenacia 
nel non lasciarmi abbattere 
da una salute sleale 
che mi ferisce sempre 
con colpi inaspettati.
Ecco perché 
nella bruciante sofferenza
della malattia, tu m’appari 
come l’oasi che rinfresca 
l’arsura del mio dolore, e 
le tue mani sono 
l’opulento tocco sacro 
che lenisce i miei dolori.
So che ami la mia forza e 
i miei occhi belli 
che ti accarezzano in silenzio e 
con amore.
Ecco perché 
tu sei il solo amore che amo.
E t’amo 
perché è bellissimo e 
naturale vezzeggiarti e 
perché non sei donna 
che cerca l’amore scadente, 
senza lotta e senza sapori, ma 
sei la sola che guarda con tenerezza 
al mistero dell’anima 
che oggi dà e domani toglie, ma 
poi torna ancora a dare.
E così, 
mentre ti tengo stretta al cuore, 
amore mio, 
lotto e resto per sempre
il tuo ragazzo dolce e tenero.