CANTU PIR PIU LA TORRE (PIO LA TORRE) – di Antonio Cattino in lingua siciliana e traduzione in italiano.
CANTU PIR PIU LA TORRE (PIO LA TORRE) –
di Antonio Cattino in lingua siciliana con traduzione in lingua italiana.
I
Lu trenta di l’ Aprili torna ogni annu,
granni è l’attisa dî travagghiaturi,
è la vigilia dȃ festa dû travagghiu
chi sempri chiù ‘n-Sicilia s’arriduci,
cu splinnenti Primavera s’apprisenta,
sparannu forti oduri d’’i ciuruti,
cu rosi e cu girasi anticipati
chi leggiu leggiu pigghianu culuri,
finiu la so’ vita un homu giustu
pi manu d’assassini mafiusi,
insemi a lu cumpagnu so fidatu
Rosariu Di Salvo, assai valenti,
Piu La Torre a l’uffiziu annava
e ‘ncori so’ attinnia la sintenza
e puru si lu jornu scanuscia,
chiddu s’arrivilau di la mattanza:
scena d’infernu, d’ odiu bistiali
contra ‘ddi du’ pirsuni giusti,
lu tempo d’un prospiru ‘ddumatu
lu fattu dicritatu fu chiudutu.
II
‘Ddi jorna ‘i sangu ‘mmiscati
di raggia e luttu niru si tinceru:
lu Statu puru iddu trasattau,
la mafia dicidiva soccu fari,
li liggi puru a idda havianu piaciri.
Idda vulia gghicari ogni putiri
lu Parlamentu e la Costituzioni !
La lotta pi’ la paci la scunsava,
mittia ‘n-chiaru e sputtanava
l’opira criminali chi faciva:
li granni affari in ciauru di guerra.
III
In tanti scinneru a chianciri sti morti,
lu travagghiu ddu jornu si firmau;
Enricu Berlinguer a la fudda parrau;
Sandru Pertini dulenti lu scutava,
pugni chiusi a pritenniri giustizia
e libirtati pi sta terra d'amarizza.
La mafia nun è sulu dilinquenza,
comu Piu la Torri ni 'nsignava,
ma 'dda mala 'ncucchiatina di pirsuni
chi sannu 'u fatto so’ e si lu fannu,
ntricati nta pulitica cu ddi putenti
chi fannu li so' fatti impunimenti.
IV
L’agenda di La Torre mai si truvau
e tanti prjiaru chi mai comparissi;
quanti eranu li fatti ‘dda ‘mpuntati,
quali li nomi cu l’azioni ncatinati?
La Sicilia era pronta a divintari
la terra chiù nfucata di stu mari,
la purtaerei pi' l'accanimentu
contra ddi populi chi d'iddu su vagnati,
pi stutari ogni anelitu o pinseru
contra tirannii e di libirtati.
V
Era chiddu un muru fattu di minacci
contru 'ddu bloccu cun cui si cunfruntava;
l'appoju 'i la mafia fu lestu,
pirchì la vera chiavatura intraviria
p' allargari lu raggiu di l'affari
la megghiu scaciuni pi putiri riciclari.
Piu La Torre dava mpedimentu,
comu la liggi chi d'iddu fu vuluta
pir lu siquestru di beni mafiusi
c’asciuca li guadagni di l’affari.
VI
La Torre nun ni facia gran misteru
pir megghiu la mafia cuntrastari,
chi lu Statu mannassi un cummissariu
di granni nomu e fermu di vuliri.
Lu stissu jornu lu Statu rispunniu
lu Ginirali Dalla Chiesa numinau
chi poi a sittembri assemi a so mugghieri
la mafia puru a iddu ‘ssassinau.
VII
Mmenzu a 'dda fudda jva eu pinsusu
pi ‘dd’attimu in cui Piu La Torri fu ammazzatu,
vitti sicuramenti l’intera so’ esistenza,
la vita ‘i quann’era picciriddu,
nta ‘dda casa dȃ burgata ‘i l’ Attareddu
cu so’ patri e so’ matri puvireddi
ca spartivano la lira pi tirari;
Li lotti pir lu pani e pi' la terra,
di 'ddu giuvini ca parrava ê cuntadini
pi spartiri li terri bbannunati,
haviri travagghiu bono e non piniari
pi la chiama di li vrazza la matina,
quannu lu capurali nun t’avvia
a lu travagghiu e tu nun poi manciari.
Comu in un film la vita so’ scurriu e
sicuru ogni passu ri-vitti , pirchì
quannu si chiudi l'esistenza,
la vita tutta intera s’apprisenta.
VIII
Iddu vitti la so’ didicata a un ideali
di giusta esistenzia e vita bona pi li siciliani,
e di travagghiu, senza l'obblig ‘i scunsari
lu capu cosca o lu suprastanti, lu puliticu
o la manu vasari a chiddu gran putenti
gghicannu a testa pi putiri travagghiari.
A nui non resta autru chi ricurdari
stu granni homu e chiddu chi nni detti,
Eroi no, non vulia addivintari, forsi l'esempiu
ci tinni a dari, comu nobili missioni d'ogni vita
chi va circata e ricanusciuta e poi passata
ntra la genti, cu giusti fatti e prupunimenti.
Pulitica cu disintiressi, comu autu mpegnu,
nto viculu 'i burgata o in parlamentu,
nta fabbrica, 'nta l' uffiziu o aunni ci stannu
pirsuni sutta suprussi e sfruttamentu.
Antonio Cattino© ogni diritto riservato a norma di legge.
presente ne “Lu Suli e La Luna- Canti e Puisii Siciliani” dic.2018.
Traduzione in Lingua italiana:
CANTO PER PIO LA TORRE
I
Il trenta d'Aprile ritorna ogni anno,/ grande è l'attesa dei lavoratori,/ è la vigilia dela festa del Lavoro/che sempre più in Sicilia si riduce//
con splendente Primavera si presenta,/ sparando forti odori di fioritura,/con rose e con ciliegie anticipate/ che mano a mano prendono colore.//
Finì la sua vita un uomo giusto/ per mano d'assassini mafiosi,/ insieme al suo compagno fidato/Rosario Di Salvo assai valente.//
Pio La Torre a l'ufficio andava/ nel suo cuore attendeva la sentenza/ e pure se il giorno sconosceva,/ quello si rivelò della mattanza:
Scena d'inferno, d'odio bestiale/ contro quelle persone giuste,/ il tempo di un fiammifero acceso/il fatto decretato fu chiuso//
II
Quei giorni di sangue mischiati/ di rabbia e lutto nero si tinsero//
Lo Stato pur esso sussultò/ la mafia decideva cosa fare,/ le leggi pure a lei dovevano piacere./
Essa voleva piegare ogni potere/il Parlamento e la Costituzione !//
La lotta per la pace la scombinava,/ metteva in chiaro e la sminuiva/ nell'opera criminale a cui aspirava/ i grandi affari in odore di guerra. //
III
In tanti sono scesi a piangere questi morti, /il lavoro quel giorno si è fermato;/ Enrico Berlinguer alla folla ha parlato,/ Sandro Pertini dolente l'ascoltava,/pugni chiusi a pretendere giustizia/e libertà per questa terra d'amarezza.//
La mafia non è solo delinquenza,/ come Pio La Torre ci insegnava/ma, quel cattivo sodalizio di persone/ che sanno il fatto loro e se lo fanno,/ collegati in politica con quei potenti/ che fanno i loro fatti impunemente.
IV
L'agenda di La Torre mai si è trovata/e tanti hanno pregato che mai comparisse; / quanti erano i fatti lì annotati,/quali nomi con le azioni concatenati?//
La Sicilia era pronta a diventare l terra piùinfuocata di questo mare,/ la portaerei per l'accanimento/ contro quei popoli che da esso sono bagnati,/ per spegnere ogni anelito o pensiero/ contra tirannii e di libertà.//
V
Era quello un muro fatto di minacce contro quel blocco con cui si confrontava ;/ l'appoggio della mafia fu lesto/ perchè la vera serratura intravedeva/ per allargare il raggio degli affari,/la migliore scusa per potere riciclare.//
Pio La Torre dava impedimento,/ come la legge che da lui fu voluta/ per il sequestro dei beni mafiosi/ che asciuga i proventi degli affari.//
VI
La Torre non ne faceva gran mistero,/ per meglio la mafia contrastare, / che lo Stato mandasse un commissario/ di grande nome e di fermo volere ...//
Lo stesso giorno lo Stato rispose, il Generale dalla Chiesa nominò/ che poi a settembre
insieme a sua moglie, la mafia pure a lui assassinò.//
VII
In mezzo a quella folla andavo io pensoso/ per quell'attimo in cui La Torre morì, vide sicuramente l'intera sua esistenza:/ la vita sua di quand'era bambino/ in quella casa della borgata dell'Altarello/ con suo padre e sua madre poverelli/ che dividevano la lira per tirare;//
Le lotte per il pane e per la terra/ di lui giovane che parlava ai contadini/ per dividere le terre abbandonate, /avere lavoro buono e non penare/ per la chiamata delle braccia la mattina, /quando il caporale non ti avvia/ al lavoro e tu non puoi mangiare. //
Come in un film la vita sua srotolò e,/ sicuro ogni passo ri-vide perchè, quando si chiude l'esistenza,/ la vita tutta per intero si presenta.//
VIII
Lui vide la sua dedicata ad un ideale/ di vita buona per i siciliani, di giusta esistenza/
e di lavoro, senza l'obbligo di disturbare/ il capo cosca o il soprastante, il politico
o la mano baciare a quel gran potente/ piegando la testa per potere lavorare.//
A noi non resta altro che ricordare/ questo grande uomo e quello che ci ha dato./ Eroe no, non voleva diventare, forse l'esempio / ci tenne a dare, come nobile missione d'ogni vita, / che va cercata e riconosciuta e poi trasmessa/ tra la gente con giusti fatti e proponimenti.//
Politica con disinteresse, come alto impegno,/ nel vicolo di borgata o in Parlamento,/nella fabbrica, nell'ufficio o dove ci stanno/ persone sotto soprusi e sfruttamento.
Antonio Cattino © ogni diritto riservato.
 – di Antonio Cattino in lingua siciliana e traduzione in italiano.){kind=link}
Commenti
Posta un commento